| ٿرِڙي محبت مان عورت مبينا اغوا، پيڇو ڪندڙ وارثن ۽ جوابدارن ۾جھيڙو، 3 ڄڻا زخمي |
ٿرڙي محبت(ن پ ا) ٿرڙي محبت جي الطاف ڪالوني مان نوجوان 20 ورهين جي عورت سوني ڌي طالب لاشاري مبينه طور اغوا ٿي وئي، جنهن جو ٿاڻي تي اطلاع ڏئي وارثن پيڇو ڪيو، جڏهن ته ٿرڙي محبت پوليس موبائيل خراب هئڻ ۽ نفري نه هجڻ جو جواز ڄاڻي وارثن کي موٽائي ڇڏيو، ٿرڙي محبت ڀرسان ڳوٺ جادم شاخ وٽ جوابدارن ۽ عورت جي وارثن ۾ جيهڙو ٿي پيو جنهن جي نتيجي ۾ عورت جا وارث ٽي ڄڻا علي گوهر، عاسق ، مير لاشاري ڌڪي ٿي پيا. جن کي وارثن زخمي حالت ۾ ٿرڙي محبت ٿاڻي آندو. ٿرڙي پوليس پاران حد جو جواز ڄاڻائي علاج لاء ميڊيڪل ليٽر نه ڏنو. عورت جي وارثن ميڊيا سان ڳالهائيندي چيو ته اسان بروقت اهڙو اطلاع ٿرڙي محبت پوليس کي ڏنو پر پوليس اسان سان گڏ نه هلي جڏهن ته اسين اغواه ڪنڌڙن جو پيڇو ڪيو . جڏهن ته جوابدارن اسان مٿان حملو ڪري اسان جون ٻه موٽر سائيڪل ڪاهي ويا ۽ عورت کي اغوا ڪري کڻي ويا. وارثن پاران آء جي سنڌ، ڊي آء جي حيدرآباد، ۽ ٻين اعلي اختيار ڌرين کان گهر ڪيون ٿا ته جلد کان جلد ناري کي بازياب ڪرائي واپس ڪرائي ڏنو وڃي.