ٿرپارڪر ۾ بلاول جي جلسي جو اعلان ٿيندي ئي اهم اڳواڻ پارٽي ڇڏي ويو!
نومبر 10, 2023
عمرڪوٽ: پ پ چيئرمين بلاول ڀٽو جي مٺي ٿرپارڪر ۾ رٿيل 13 نومبر جي جلسي کان ٽي ڏينھن اڳ پ پ جو اھم اڳواڻ پارٽي ڇڏي ويو
پ پ ضلعي ٿرپارڪر جو اھم اڳواڻ انجنيئر ولي محمد راھمون پيپلزپارٽي کان بغاوت ڪندي ڌار ٿي پنھنجي الڳ پارٽي قائم ڪري ڇڏي
انجنيئر ولي محمد راھمون ”ھم خود عوام پارٽي قائم ڪري اليڪشن وڙھڻ جو اعلان ڪري ڇڏيو
پارٽي جو جھنڊو به ٺاھي ڇڏيو عوام کي سموري سنڌ ۾ پارٽي لاءِ ورڪ ڪرڻ جي اپيل ڪئي وئي آهي
انجنيئر ولي محمد راھمون ناميارو سائنسدان آھي جنھن ٿر جي واري مان بجلي ٺاھڻ جو ڪامياب سائنسي تجربو ڪيو
ارباب غلام رحيم جي دور ۾ پ پ سان واسطو ھجڻ ڪري عتاب ھيٺ رھيو ۽ جيل ڪاٽيو
شھيد بينظير ڀٽو پاران پ پ ٽڪيٽ ڏيڻ بعد 2008 جي چونڊن ۾ ھن ڏيپلو تڪ تان ارباب غلام رحيم خلاف چونڊ وڙھي
پ پ قيادت پاران مسلسل نظرانداز ڪرڻ تي ھن پارٽي ڇڏي پنھنجي الڳ پارٽي جوڙي ڇڏي آھي
انجنيئر ولي محمد راھمون موجب عمرڪوٽ ۽ ٿرپارڪر جي قومي تڪن تان چونڊ وڙھندس، سنڌ ۾ ڀوتارن ۽ وڏيرن سامھون پنھنجا اميدوار بيھاريندس
