| ٿرڙي ۾ واپاري جي گهر ۽ دڪان تي فائرنگ، چيئرمين تي الزام، جزوي هڙتال، روڊ بلاڪ |
ٿرڙي محبت (ن پ ا) ٿرڙي محبت جي مشهور ڪرياني جي دڪاندار محمد ايوب کوکر جي دڪان ۽ گهر تي رات جو دير سان نامعلوم هٿياربندن فائرنگ ڪري دڪان جي شٽر ۽ گهر جي دڪان کي گوليون هنيون، چوڪيدار موجب ٻن ڪارن ۾ سوار هٿياربندن شهر ۾ انڌاڌنڌ فائرنگ ڪري دڪان جي شٽر کي گوليون هڻي فائرنگ ڪندي فرار ٿي ويا هئا اهڙي واقعي بعد شهر جي سياسي، سماجي ڪاروباري ۽ دڪاندارن شهري اتحاد جي عهديدارن صدرالدين جانوري، فيروزالدين ناريجو ، فراز ميراڻي، ۽ ٻين پاران جزوي طور شٽر بند هڙتال ڪري راڌڻ ميهڙ روڊ بلاڪ ڪري احتجاجي ڌرڻو هڻي ويهي رهيا ڌرڻي ۾ ميهڙ فورم جي اڳواڻ ايڊوڪيٽ ذولفقار کوکر پڻ پهتو درڻي ۾ متاثر محمد ايوب کوکر جي ڀاءَ قمرالدين کوکر، شهري اتحاد صدر ممتاز مينگل ۽ ٻين ميڊيا سان ڳالهائيندي چيو آهي ته ڪجهه ڏينهن اڳ پ پ ٽائون چئيرمين شاهد خان سهول سان مرڪزي عيدگاه جي وڻن جي واڍي ڪرائڻ دوران منع ڪيو جنهن تان منهن ماري ٿي پئي هئي اسان 30 سالن کان شهر ۾ ڪاروبار ڪريون ٿا اسان جو ڪنهن سان ذاتي معاملا مسئلا ناهن، شڪ آهي ته رات جي وقت ۾ استعمال ٿيندڙ ڪار ٽائون چئيرمين جي آهي جنهن ۾ ماڻهون سوار هئا انهن دڪان ۽ گهر مٿان فائرنگ ڪئي. هنن ايس ايس پي دادو ۽ ٻين اعلي اختيارڌرين کان مطالبو ڪندي چيو آهي ته پ پ ٽائون چئيرمين شاهد خان سهول، ۽ سندس جي گهر جي ملازم آصف سومرو، معشوق خاصخيلي، ۽ ٻين ملوث ماڻهن مٿان ڪيس داخل ڪري اسان سان انصاف فراهم ڪيو وڃي، بعد ۾ لڳل ڌرڻي ۾ ٿرڙي محبت جو ايس ايڇ او عنايت چانڊيو پهچي متاثرن سان ڳالهيون ڪري احتجاج ختم ڪرايو . هوڏانهن الزام هيٺ آيل پ پ ٽائون چئيرمين شاهد خان سهول،سوشل ميڊيا تي بيان جاري ڪندي چيو آهي ته ڪريانه دڪاندار محمد ايوب کوکر جي دڪانن تي فائرنگ ڪرڻ واري الزام کي رد ڪندي چيو آهي ته اھڙو قدم اسان سھول ڀائر نٿا ڪري سگھون اسان جي اوطاقن تي امن ۽ انصاف ڀائچاري طور فيصلا ٿيندا آهن محمد ايوب کوکر سان ٿيل مسئلو معززن ختم ڪرايو ھو ان تي قائم آھيان منهنجي خلاف سازش ڪري منهنجي سياسي ساک کي نقصان رسايو پيو وڃي جنهن جي شفاف نموني جاچ ڪئي وڃي.