| ٿرڪول جا ملازم مسلسل سراپا احتجاج، ماني پاڻي بند، ڪمپني دڪانن کي تالا هڻي ڇڏيا |
اسلام ڪوٽ/ميرپورخاص(نمائندن وٽان) ٿرڪول بلاڪ ٽو تي سهوليتن جي کوٽ ۽ پگهارن مان مبينا ڪٽوتي ۽ ٻين ٻين مطالبن جي مڃتا لاءِ ڊرائيورن ۽ پورهيتن پاران ڪم ڇڏ هڙتال ڪري شروع ڪيل احتجاج ڪالهھ ٻي ڏينهن به جاري رهيو، ڊرائيورن پاران ڪمپني جي گيٽ اندر سڄو ڏينهن احتجاج ڪري نعريبازي ڪئي ويئي،ڪمپني انتظاميه پورهيتن جا جائز مطالبا تسليم ڪرڻ جي بجاء ويتر پنهنجي هوڏ تي قائم رهندي احتجاج ڪندڙن جو کاڌو پيتو به بند ڪري ڇڏيو آهي جنهن سبب احتجاج ڪندڙ پورهيت سخت پريشاني کي منهن ڏينهن ڏيئي رهيا آهن انهي سلسلي ۾ احتجاج ڪندڙ ڊرائيورن پاران سوشل ميڊيا ذريعي ٿر ۽ عمرڪوٽ جي چونڊيل نمائيندن کي درخواست لکي مطالبن سميت سار لهڻ جي اپيل ڪئي ويئي آهي،لکيل درخواست ۾ ڄاڻايو ويو آهي ته هنڊا ڪمپني تي ڪم ڪندڙ مينيجمينٽ جا عملدار اسان جي پگهارن مان ڪنهن نه ڪنهن بهاني سان هر مهيني ڪٽوتي ڪري رهيا آهن جنهن جو اسان کي نه ڪو سبب ٿو ٻڌايو وڃي نه وري سيلري جي سلپ ٿي ڏني وڃي اسان کي جيڪي الائونس ملي رهيا هئا اهي به واپس ڪٽيا پيا وڃن هنن کان ڪير به پڇڻ وارو نه آهي اسان ٻن ڏينهن کان احتجاج ڪريون پيا پر ڪمپني عملدار پنھنجي ھٽ ڌرمي تي قائم آھي هنن نه رڳو اسان جو کاڌو پيتو بند ڪرائي ڇڏيو آهي پر پرائيويٽ هلندڙ دڪان به بند ڪرايا ويا آهن هاڻي اسان کي ڪٿي پيئڻ جو پاڻي به نٿو ملي، هنن چونڊيل نمائيندن کان گهر لئي آهي ته نوٽس وٺي بدمست ڪمپني جي عملدارن خلاف شفاف جاچ ڪرائي وڃي ۽ اسان جا جائز حق وٺرائي ڏنا وڃن ٻي صورت ۾ احتجاج جو دائرو وسيع ڪيو ويندو، هوڏانهن ٿرڪول بلاڪ ون مان نيڪالي ڏنل ملازمن جو پريس ڪلب آڏو احتجاج ڪمپني خلاف نعرا، تفصيل موجب:ٿرڪول بلاڪ ون ۾ ھونڊا ڪمپني جي ناانصافين ۽ پگھارن مان ڪٽوتي خلاف ڪمپني جي ملازمن ۽ سول سوسائٽي پاران ميرپورخاص پريس ڪلب پھچي احتجاج ڪندي نعريبازي ڪئي، ان موقعي تي ارشد سوڍو، طوطو جاني، شريف سميجوايڊووڪيٽ , واحد لنجو، سباش، منوج، صاڌو مل ۽ ٻين دانھيندي چيو ته ھونڊا ڪمپني اسان مقامي مزدورن سان ناانصافيون ڪري رھي آھي، ھنن چتاءُ ڏيندي چيو آھي ته اسان کي واپس نه رکيو ويو ته عدالت جو ڌر کڙڪائڻ سميت ٿر ڪول جي انتظاميا خلاف احتجاجي تحريڪ ھلائي ويندي جنهن ۾ ٿر جي پوري عوام احتجاج ۾ شامل ھوندي ڪامورن جو گھيرائو ڪيو ويندو .