ٿر گهمڻ آيل سياحن سان هڪ وڌيڪ حادثو، نوجوان فوت

مٺي (رپورٽر) ٿر گهمڻ آيل سياحن سان هڪ وڌيڪ حادثو، ٺٽو جي شھر غلام الله ور جو رهواسي موٽر سائيڪل سوار نوجوان فوت ٿي ويو، جنهن بعد حادثن ۾ فوتين جو انگ 3 ٿي ويو

مٺي کان اسلام ڪوٽ روڊ تي تيز رفتار موٽر سائيڪل سان پيش آيل روڊ حادثي ۾ غلام الله ور جو رهواسي عبدالطيف ڪهيو فوت ٿي ويو

موٽر سائيڪل تي سوار فوتي جا 2 دوست راشد ۽ گلزار بلوچ شديد زخمي ٿي پيا، فوتي نوجوان جو لاش ۽ زخمين کي مٺي سول اسپتال منتقل ڪيو ويو

ملڪ مان ٿر گهمڻ لاءِ آيل سياحن سان پيش آيل حادثن ۾ فوتين جو انگ 3 ٿي ويو ۽ 40 کان به وڌيڪ زخمي ٿيا آھن

هوڏانهن ڇاڇرو ويجهو ڳوٺ ڍاڪلو ڀرسان تيز رفتار جيپ ڪلٽي ٿيڻ سبب هڪ ڄڻو فوت ٿي ويو 5 زخمي ٿي پيا، حادثي ۾ حيدرآباد جو رهواسي نوجوان رضوان پٽ رمضان ملڪ موقعي تي فوت ٿي ويو ۽ 5 زخمين ۾ شهريار ملڪ، الهڏنو سنگراسي، غلام مصطفي، غلام محمد سنگراسي ۽ ٻيا شامل آهن، پوليس موجب سياح آهن ٿر گهمڻ لاءِ آيا هئا جن سان حادثو پيش آيو