ٿي تند وڙهي تلوارن سان… نياڻي فاطمه جي امڙ پير اسد شاهه کي ڳچي کان پڪڙي ورتو

ڪراچي (پنهنجي ڊيسڪ) ٿي تند وڙهي تلوارن سان… معصوم نينگري فاطمه جي امڙ پير اسد شاهه کي ڳچي کان پڪڙي ورتو

سوشل ميڊيا تي نينگر فاطمه جي امڙ جي وڊيو وائرل ٿي آهي جنهن ۾ هوءَ انصاف لاءِ دانهون ڪري رهي آهي

وڊيو ۾ ڏسي سگهجي ٿو ته هوءِ پٽ تي ويٺل آهي ۽ ٻيون عورتون کيس پاڻي پيئاري آٿت ڏئي رهيون آهن

سوشل ميڊيا تي ڄاڻايو ويو ته فاطمه جي امڙ شبنم پنهنجي نياڻي جي قتل جي الزام هيٺ آيل پير اسد شاهه کي چنبڙي پئي ۽ بيهوش ٿي زمين تي ڪِري پئي

پوليس اهلڪارن عورتن پاڻي هاري هوش ۾ آڻڻ جي ڪوشش ڪئي، شبنم پنهنجي نياڻي سان انصاف لاءِ دانهون ڪندي رهي

وڊيو ۾ ٻڌي سگهجي ٿو ته شبنم دانهون ڪري چوي ٿي ته ان کي مان نه ڇڏينديس، ان کي مون پنهنجي ڌيءُ ڏني انهي سان ظلم ڪيو

سوشل ميڊيا تي ڄاڻايو ويو ته اهڙو واقعو عدالت ۾ پيشي جي موقعي تي ٿيو، اهو به چيو پيو وڃي ته فاطمه جي امڙ شبنم پير کي ڳچي ۾ هٿ وجهڻ جي ڪوشش ڪئي، جنهن دوران دانهون ڪندي زمين تي ڪري پئي