ڀارتي وزير جي سنڌ بابت بيان خلاف متحده پاران قرارداد جمع

ڪراچي (اسٽاف رپورٽر) ڀارتي دفاعي وزير راجناٿ سنگهه پاران سنڌ بابت ڏنل بيان تي ايم ڪيو ايم پاران سنڌ اسيمبلي ۾ قرارداد جمع ڪرائي وئي آهي. ايم ڪيو ايم ميمبر عامر صديقي جمع ڪرايل قرارداد ۾ ڄاڻايو آهي ته ڀارتي دفاعي وزير جو بيان تاريخي طور تي گمراھ ڪندڙ ۽ بين الاقوامي اصولن جي ابتڙ آهي. قرارداد ۾ چيو ويو آهي ته سنڌ پاڪستان جو اڻ ٽُٽ حصو آهي ۽ رهندي. قرارداد ۾ ڄاڻايو ويو آهي ته ڀارتي وزير جي بيانن جو مقصد خطي ۾ ٽڪراءُ پيدا ڪرڻ آهي. عامر صديقي وفاقي حڪومت کان مطالبو ڪيو آهي ته ڀارتي وزير جي اهڙي غيرذميواراڻي بيان کي دنيا سامهون آندو وڃي.