ڀارتي ٽيم لاءِ لوڏو: ڪپتان گل 2025ع جي باقي ميچن مان آئوٽ

ممبئي(اسپورٽس نيوز) ڀارتي ڪرڪيٽ ٽيم جي ڪپتان شُڀمَن گِل جي انجري ٽيم مئنيجمينٽ لاءِ مسئلا پيدا ڪري ڇڏيا آهن. گِل سال 2025 جي باقي ميچن ۾ ايڪشن ۾ نظر نه ايندو، ڳچيءَ جي انجري سبب ڏکڻ آفريڪا خلاف ٻي ٽيسٽ ۽ ون ڊي سيريز مان اڳ ئي ٻاهر ٿي چڪو آهي. ٽيم انتظاميا جو چوڻ آهي ته هو گِل جي فٽنيس جي معاملي ۾ تڪڙ نه ڪندي. امڪان آهي ته شُڀمَن گل 2026ع ۾ نيوزي لينڊ خلاف هوم سيريز ۾ واپسي ڪندو. ڀارتي ٽيم جي نيوزيلينڊ خلاف جنوري ۾ ٽن ون ڊي ۽ پنج ٽي ٽوئنٽي ميچن جي سيريز شيڊيول آهي ڄاڻايل سيريز ٽي ٽوئنٽي ورلڊ ڪپ کان اڳ ڀارت جي آخري تيارين جو حصو هوندي.