| ڀٽ شاهه واسين پاران پنهنجي اخبار جي ايڪتا ڏهاڙي جي آجيان |
ڀٽ شاھه(ن پ ا) ڀٽ شاھه جي مختلف سياسي سماجي اڳواڻن، هيومن رائيٽس ۽ ڀٽائي خاندان جي فردن پاران ٽائيم نيوز ۽ پنهنجي اخبار جي اعلانيل ايڪتا ڏهاڙي منشيات کان پاڪ سنڌ جي مڪمل حمايت جو اعلان ڪيو ويو آهي. هيومن رائيٽس پروٽيڪشن اينڊ سوشل جسٽس جي مرڪزي چيئرمين رانا غلام نبي راجپوت، پير آف ڀٽ شاهه پيپلزپارٽي اڳواڻ سيد احسن عباس شاهه لطيفي، چونڊيل ڪائونسلر سيد رضا رضوي، ثقافت کاتي جي عملدار غلام مجتبا جوکيو، اقليتي اڳواڻ سردار پرڪاش سنگهه، پيپلزپارٽي اڳواڻ ذوالفقار علي سومرو، راجا حيدر بخش وساڻ، امير علي بليدي ۽ ٻين پاران 7 ڊسمبر تي سنڌ جو ثقافتي ايڪتا ڏهاڙو ڀرپور جوش ۽ جذبي سان ملهائڻ جو عزم ڪيو ويو اڳواڻن ٽائيم نيوز ۽ پنهنجي اخبار سان ڳالهائيندي چيو ته علي قاضي جي فيصلي جي آجيان ڪريون ٿا ٽائيم نيوز ۽ پنهنجي اخبار جو سلوگن هڪ بهترين آهي ۽ وقت جي ضرورت آهي علي قاضي صاحب هميشه جيان هڪ بهترين سلوگن جو اعلان ڪيو آهي هنن چيو ته سنڌ جي ثقافت عظيم، شاهوڪار ۽ هزارين سال قديم آهي جنهن سان اسين محبت ڪريون ٿا ٽوپي ۽ اجرڪ اسان جو شان ۽ مان آهي ايڪتا ڏهاڙي ملهائڻ تي علي قاضي کي خراج تحسين پيش ڪريون ٿا، جنهن ثقافتي ڏينهن جي شروعات ڪئي، اڳواڻن چيو ته منشيات سبب نوجوان نسل تباھ ٿي رهيو آهي جنهن جي روڪٿام لاءِ اسان کي پنهنجو ڪردار ڪري نوجوان نسل کي بچائڻ گهرجي، هيومن رائيٽس پروٽيڪشن اينڊ سوشل جسٽس جي مرڪزي اڳواڻ رانا غلام نبي راجپوت طرفان منشيات کان پاڪ سنڌ جي نعري سان ٽائيم نيوز ۽ پنهنجي اخبار سان گڏجي ايڪتا ڏهاڙو ڀرپور جوش جذبي سان ملهائڻ جو وچن ڪندي تقريب ڪوٺائڻ جو به اعلان ڪيو ويو.