چونڊ ضابطن جي ڀڃڪڙي: سهيل آفريدي، طلال چوڌري ۽ شهرناز کي نوٽيس، وڏي وزير کي حاضري کان ڇوٽ

اسلام آباد(بيورو رپورٽ) ضمني چونڊن دوران ضابطه اخلاق ۽ اليڪشن ايڪٽ جي ڀڃڪڙي تي اليڪشن ڪميشن وزير اعليٰ خيبرپختونخوا سهيل آفريدي جي خلاف ڪيس جي ٻڌڻي 25 نومبر ۽ مملڪتي گهرو وزير طلال چوڌريءَ جي خلاف ڪيس جي ٻڌڻي 24 نومبر لاءِ مقرر ڪري ورتي. وزير اعليٰ خيبرپختونخوا سهيل آفريدي خلاف ڪيس جي ٻڌڻي اليڪشن ڪميشن ۾ 25 نومبر ڏينهن 12 وڳي ڪندي. اليڪشن ڪميشن سهيل خان آفريدي ۽ NA-18 هري پور جي اميدوار شهرناز عمر ايوب کي نوٽيس جاري ڪيو آهي، ڪيس ۾ درخواست گذار مسلم ليگ ن جي اميدوار بابر نواز خان کي به نوٽيس اماڻيو ويو آهي، ٻڌڻي دوران وڌيڪ ڪارروائي ڪئي ويندي، اليڪشن ڪميشن ضابطه اخلاق جي ڀڃڪڙي تي گهرو مملڪتي وزير طلال چوڌري خلاف ڪيس جي ٻڌڻي 24 نومبر ڏينهن 11 وڳي ڪندي. جنهن لاءِ اليڪشن ڪميشن طلال چوڌري ۽ تڪ مان اميدوار بلال چوڌريءَ کي به نوٽيس جاري ڪري ڇڏيا آهن، ان کان  اڳ مصروف هئڻ ڪري وڏي وزير کي حاضري کان ڇوٽ ڏني وئي.