| چوٽيارين ۾ اٽو وٺڻ ويل نوجوان منشيات ڪيس ۾ گرفتار، احتجاج |
چوٽياريون (ن پ ا) چوٽياريون پوليس اٽو وٺڻ لاء ويندڙ پورھيت نوجوان حيدر پٽ مرحوم علي خان ماڇي کي پڪڙي 20 ليٽر ڪچي شراب جو ڪيس داخل ڪري ڇڏيو آهي، گرفتار ٿيل حيدر سولنگي جي جھوني ماء احتجاج ڪري روئي ڏنو. ھن چيو ته پٽ چوٽياريون اٽو وٺڻ ويو پوليس گرفتار ڪري چالان ڪري ڇڏيو آهي. چوٽياريون ٿاڻي جي سڏ پنڌ تي سري عام منشيات وکر جيان وڪرو ٿي رهي آهي پوليس انهن منشيات فروشن کي منٿلي عيوض کليل ڇوٽ ڏئي ڇڏي آهي باقي غريب پورهيتن ۽ راهگيرن کي پڪڙي خانا پوري ڪري رهي آهي، اسان ڳوٺاڻن کان رات اٽو وٺي پچايو آھي. هن اھلڪار مٺو ڪيريو تي الزام هڻندي چيو ته مٺو ڪيريو اڳم به منهنجي پٽ کي ٻڌي ويو ۽ پنجويھ ھزار وٺي پوء ڇڏيائين. مون ٻڪري کپائي پوليس کي پئسا ڏنا ھاڻ گھر ۾ ڪا شئي ناھي پوليس کي ڏيڻ لاءِ. ھن ايس ايس پي سانگهڙ، ڊي آء جي شهيدبينظير آباد کان مطالبو ڪيو آهي ته اصل منشيات فروشن خلاف ڪاروائي ڪئي وڃي ۽ بنا جواز گرفتار ٿيل حيدر ماڇي کي آزاد ڪيو وڃي، ٻئي پاسي ايس ايڇ او چوٽياريون اعظم ڀنگوار رابطو ڪرڻ تي ٻڌايو ته جوابدار حيدر ماڇي آئس جو نشو ڪندو آھي آئيس خطرناڪ نشو آھي جيل ويندو ته نشي کان بچي ويندو ان ڪري پڪڙي ڪيس داخل ڪيو آھي جڏھن ته ٻئي پاسي جھوني عورت طرفان الزام ھيٺ آيل پوليس اھلڪار مٺاخان ڪريو ٻڌايو ته جوابدار وٽان ويھ ليٽر ڪچو شراب ھٿ آيو آھي ان سميت گرفتار ڪيو ويو آھي.