چيئرمين جي گهرواري کان سوال ڇو ڪيو؟ سنڌ يونيورسٽي جا استاد پاڻ ۾ اٽڪي پيا

جُون 12, 2023

ڪراچي (پنهنجي ڊيسڪ) پي ايچ ڊي جي شاگردياڻي کان سوال پڇڻ  ڏوهه بڻجي ويو؟ سوشل ميڊيا تي سنڌ يونيورسٽي جي استادن وچ ۾ منهن ماري جي وڊيو وائرل ٿي وئي آهي

وڊيو ۾ ڏسي سگهجي ٿو ته ڪجهه استاد پاڻ ۾ جملن جي ڏي وٺ ڪري رهيا آهن، سوشل ميڊيا تي ڄاڻايو ويو آهي ته پي ايچ ڊي جي شاگردياڻي کان سوال ڪرڻ تان اهو واقعو پيش آيو آهي

سوشل ميڊيا تي ڄاڻايو ويو آهي ته ڪيمسٽري ڊپارٽمينٽ جو استاد ظفر ابو پوٽو پي ايچ ڊي جي شاگردن کان سوال ڪري رھيو ھو، فزيولاجي ڊپارٽمينٽ جي چيئرمين ذوالفقار لغاري جي گھر واري به انھن شاگردن ۾ شامل ھئي جنھن تي اسٽوڊنٽس ويلفيئر آفيسر يونس لغاري فريش واٽر ڊپارٽمينٽ جو چيئرمين پروفيسر خالد لاشاري ۽ ٻين گڏجي پروفيسر اظفر ابو پوٽو سان منهن ماري ڪئي ته توهان ذوالفقار لغاري جي گھر واري کان ڇو سوال ڪيو ؟

اهڙي وڊيو سوشل ميڊيا تي وائرل ٿي وئي آهي ۽ استادن مٿان تنقيد ٿي رهي آهي

Leave A Comment