| چين ۾ هڪ جهڙي شڪل رکندڙ جوڙي ماڻهو حيران ڪري ڇڏيا |
بيجنگ (انٽريسٽنگ نيوز) چين ۾ هڪ جهڙي شڪل رکندڙ جوڙي ماڻهن کي حيران ڪري ڇڏيو. سوشل ميڊيا تي وائرل ٿيڻ بعد صارفين دلچسپ تبصرا ڪرڻ لڳا. پرڏيهي خابرو اداري جي رپورٽ موجب گوانگ ڊونگ صوبي ۾ زال ۽ مڙس جي شڪل هڪٻئي سان مشابهت رکندڙ هجڻ تي ماڻهو حيران ٿي ويا آهن. شيان شينگ ۽ سندس زال ليانگ سائيو جڙي ٻوٽين جون دوائون وڪرو ڪندڙ خاندان سان تعلق رکن ٿا. رپورٽ موجب جوڙو هميشه هڪجهڙا ڪپڙا پائي ٿو، وارن جو اسٽائل به ساڳيو آهي، سوشل ميڊيا تي سندن تصويرون ۽ وڊيوز وائرل ٿيڻ بعد صارفين سخت پريشان ٿي ويا آهن ۽ دلچسپ تبصرا ڪري رهيا آهن. ڪجهه صارفين ٻنهي کي وڇڙي ويل ڀيڻ ڀاءٌ ۽ والدين جا جاڙا ٻار به قرار ڏنو . ان حوالي سان شيان شينگ جو چوڻ آهي ته هڪ جهڙي شڪل هجڻ سبب ساڳيا ڪپڙا پائڻ ۽ ساڳيو اسٽائل اپنائڻ جو فيصلو گڏيل طور ڪيو. هن ٻڌايو ته ڪڏهن ڪڏهن ڪاروبار ۾ ڏکيائون پيش اينديون آهن ان باوجود خوش آهيون