ڊاڪٽر منير نائچ سميت گڊو ۽ ڪشمور مان اغوا ٿي ويل شهرين جي بازيابي لاءِ ڪچي ۾آپريشن تيز: گهر گهر تلاشي

ڪشمور(رپورٽ: شريف ڄامڙو)ڪشمور پوليس پاران ڊاڪٽر منير احمد نائچ سميت گڊو ۽ ڪشمور مان اغوا ٿي ويلن جي بازيابي لاءِ ڪچي ۾ آپريشن تيز، پوليس گهر گهر تلاشي شروع ڪري ڏني

ان حوالي سان مليل ڄاڻ موجب ڪشمور پوليس پاران گڊو مان اغوا ٿي ويل واپڊا اسپتال جي ايم ايس ڊاڪٽر منير احمد نائچ، ۽ ڪشمور ضلعي مان اغوا ٿي ويل ٻين مغوين جي بازيابي لاءِ گيھلپور ۽ حاجي خان شر ٿاڻي جي حد ڪچي وارن علائقن ۾  پوليس آپريشن شروع ڪيو ويو

 ايس ايس پي ڪشمور جو چوڻ آهي ته ڏوهارين خلاف آپريشن ڪيو پيو وڃي، ڏوهارين خلاف آپريشن ۾ اي پي سي چينز، بڪتر بند گاڏيون مختلف ٿاڻن جي پوليس نفري آپريشن ۾ حصو وٺي رهيا آهن ڪشمور پوليس پاران ڏوھارين خلاف آپريشن ۾ جديد ھٿيارن جو پڻ استعمال ڪيو پيو وڃي

ايس ايس پي ڪشمور عرفان علي سمون جو وڌيڪ چوڻ آهي ته ڪشمور ضلعي مان اغوا ٿيل مغوي معصوم ھندو نينگر ، جئه ديپ، مکي جڳديش معصوم نياڻي عليشبا عظيم ميڻڪ فرحان سومرو ۽ گڊو واپڊا اسپتال جي ايم ايس ڊاڪٽر منير احمد نائچ ،ڪشمور مان اغوا ٿيل پنجاب واسي ٽن پورھيتن احمد مھر، اصغر ڀٽي ،سميت ٽن مزدورن جي بازيابي عمل ۾ نه اچڻ تائين ڏوهارين خلاف آپريشن جاري رکيو ويندو