ڊگهي سفر دوران حاجت لاءِ گاڏي روڪڻ جي ضرورت ختم

شنگهائي (انٽريسٽنگ نيوز) ڪار ذريعي سفر ڪرڻ توهان کي ڪيترين ئي مسئلن کان بچائي ٿو ۽ توهان جي منزل تائين پهچڻ آسان بڻائي ٿو. پر هڪ مسئلو جيڪو مسافرن کي ڪار جي سفر دوران ٿيندو آهي اهو آهي ٽوائليٽ نه هجڻ. جيڪڏهن توهان کي ڊگهي روڊ جي سفر دوران پيشاب ڪرڻ يا ٽوائليٽ وڃڻ جي ضرورت آهي ته توهان کي ٽوائليٽ ڳولڻو پوندو. پر چيني ڪمپني ان جو هڪ دلچسپ حل پيش ڪرڻ واري آهي.  بجلي تي هلندڙ گاڏيون ٺاهيندڙ ڪمپني اهڙي گاڏي تيار ڪرڻ جو منصوبو ٺاهيو آهي جنهن ۾ ٽوائليٽ پڻ هوندو. سيرس نالي ڪمپني گاڏي ۾ ٽوائليٽ پيٽنٽ رجسٽر ڪرايو آهي. هي تجويز ڪيل ٽوائليٽ وائس ڪنٽرول تي ڪم ڪندو ۽ مسافر سيٽ جي هيٺان نصب ڪيو ويندو جيڪو سفر دوران وائس ڪنٽرول تي استعمال ڪري سگهبو. چيني سرڪاري ايجنسي کي جمع ڪرايل پيٽنٽ ۾ چيو ويو آهي ته هي فيچر ڊگھي سفر دوران استعمال ڪندڙن جي حفاظت لاءِ آهي ته جيئن ڊگھي سفر دوران ڪار ۾ رهڻ دوران انهن کي ڪابه پريشاني نه ٿئي. بدبو پکڙجڻ کان روڪڻ لاءِ ٽوائليٽ ۾ هڪ پنکو پڻ لڳايو ويندو، جڏهن ته گند ٽانڪي ۾ گڏ ڪيو ويندو جيڪو بعد ۾ پاڻ خالي ڪرڻو پوندو.