ڌاڙيلن جي وڊيو شيئر ڪرڻ تي دوستي ختم

ڪراچي (پنهنجي ڊيسڪ) ڌاڙيلن جي وڊيو شيئر ڪرڻ تي دوستي ختم ڪئي پئي وڃي، اهڙي مهم سوشل ميڊيا تي شروع ڪئي وئي آهي

ڪيترن ئي ماڻهن پوسٽون شيئر ڪري هڪٻئي کي وارننگ ڏني آهي ته جيڪڏهن ڌاڙيلن جون وڊيوز شيئر ڪندا ته اوهان کي فرينڊ لسٽ مان نيڪالي ڏني ويندي

اهو به چيو ويو ته جيڪو به سوشل ميڊيا تي ڌاڙيلن جون وڊيوز شيئر ڪندو انهن کي نه رڳو انفرينڊ ڪيو ويندو پر انهن کي بلاڪ به ڪيو ويندو

مصطفيٰ اياز مهيري پوسٽ شيئر ڪندي لکيو ته الرٽ !!! جنهن به دوست ڌاڙيلن جي وڊيو ونڊ ڪئي سو انفرينڊ ھوندو. وحشين کي پروموٽ ڪرڻ بجاءِ بلاڪ ڪريو

شوڪت علي حيدري، اياز کوسو ۽ ٻين پوسٽ شيئر ڪندي لکيو ته جنهن به دوست ڌاڙيلن جي وڊيو ونڊ ڪئي سو انفرينڊ ھوندو. وحشين کي پروموٽ ڪرڻ بجاءِ بلاڪ ڪريو

حسين منصور پوسٽ شيئر ڪندي لکيو ته ڌاڙيلن جون وڊيوز رڪارڊ ڪندڙ ۽ اپلوڊ ڪندڙن خلاف سهولتڪاري جو ڪيس داخل ڪرڻ گهرجي

مير شان علي بلوچ، مشتاق علي ڀيو، لاشاري زاهد، زينل شاهه، سينگار علي، جاويد پيرزادو، محمد نديم، ارشاد گڏاڻي ۽ ٻين پوسٽ شيئر ڪندي لکيو ته ڌاڙيلن جون وڊيو وائرل توڙي شيئر ڪندڙن خلاف آءِ جي پاران سخت ڪارروائي ڪرڻ جو فيصلو ڪيو ويو آهي

ڌاڙيلن جون وڊيوز وائرل ڪندڙن خلاف سهولتڪاري جون ايف آءِ آرز داخل ٿينديون، ايس ايس پي گهوٽڪي ۽  ايس ايس پي ڪشمور جي سفارش بعد اھڙو فيصلو ڪيو ويو آهي

انعام يافته ڌاڙيلن کي سوشل ميڊيا تي پروموٽ ڪندڙن خلاف سخت ڪارروائي ٿيندي، پوسٽ شيئر ڪرڻ دوران خيال ڪيو