ڌرميندر ڪروڙن جي زمين اولاد بجاءِ سئوٽ کي ڏئي ڇڏي

ممبئي(ڪلچرل ڊيسڪ) بالي ووڊ جي ليجنڊ ڌرميندر پنجاب جي ضلعي لڌيانا ۾ پنهنجي 5 ڪروڙن جي ماليت جي زمين پنهنجن 2 پٽن ۽ 2 ڌيئرن بجاءِ پنهنجي سوٽ کي ڏئي ڇڏي، ڌرميندر کي پنهنجي پيءُ جي نوڪري ۽ فلمي ڪيريئر سبب لڌيانا کان 25 ڪلوميٽر پري واقع ڊانگون ڳوٺ ڇڏڻو پيو، سندس ٻيا مائٽ ساڳئي ڳوٺ ۾ رهندا هئا. ڌرميندر 10سال اڳ پنهنجي 19 ڪنال ۽ 3مرلا اباڻي زمين پنهنجي ڪزن کي منتقل ڪئي هئي، ڌرميندر جي ڀائٽي بوٽا سنگهه ديول ٻڌايو ته چاچا ڌرميندر 2016 ۾ ڳوٺ جي دوري دوران منهنجي پيءُ منجيت سنگهه ۽ منهنجي چاچي شنگارا سنگهه کي اها زمين عطيو ڪئي هئي.