“ڌرينڌر”فيم عائشه خان ڪاڪروچ پارٽي جي حمايت تان گرفتار 

ممبئي (ڪلچرل ڊيسڪ) فلم“ڌرينڌر” وسيلي  شهرت حاصل ڪندڙ بالي ووڊ جي اداڪاره عائشه خان کي تعليمي سڌارن جي حق ۾ ٿيندڙ احتجاج ۾ شرڪت تان پوليس حراست ۾ وٺي ڇڏيو، پوليس ڪارروائي جون وڊيوز سوشل ميڊيا تي تيزيءَ سان وائرل ٿي رهيون آهن.ميڊيا موجب عائشه خان ممبئي ۾ شاگردن پاران تعليمي سڌارن ۽ ‘ڪاڪروچ جنتا پارٽي’ جي احتجاج ۾ ايڪتا جي اظهار لاءِ پهتي هئي، جتي پوليس کيس گرفتار ڪري ورتو. سوشل ميڊيا تي گردش ڪندڙ وڊيو ۾ ڏسي سگهجي ٿو ته پوليس اهلڪار اداڪاره کي زبردستي پوليس وين ۾ ويهاري رهيا آهن. عائشه خان پنهنجي گرفتاريءَ تي ردعمل ڏيندي دعويٰ ڪئي ته هن نه ڪو نعرو هنيو هو ۽ نه  ئي ڪا تقرير ڪئي هئي، انهي باوجود کيس حراست ۾ ورتو ويو.