ڏيئي لڳ هاءِ اسڪول ۾ حياتيون داءُ تي، شاگرد زخمي

ڏيئي(ن پ ا) کڏهرو شهر ۾ قائم مين هاءِ اسڪول ۾ ڪلاس هلندي اچانڪ ڪمري جي ڇت جا چاپڙ ڪرڻ سبب شاگرد غلام حيدر رستماڻي سخت زخمي ٿي پيو

جڏهن ته باقي شاگرد معجزنا طور تي بچي ويا، شاگرد جي زخمي حالت ۽ ڇاپڙ ڪرڻ جي زور واري آواز سبب اسڪولي شاگردن ۾ خوف پکڙجي ويو، جنهن ۾ ڪجهه ننڍن شاگردن کي استادن موڪل ڏيئي ڇڏي

اسڪول جي استاد سائين محمد بچل جمالي رابطو ڪرڻ تي ٻڌايو ته اسڪول جي عمارت ڪافي وقت کان زبون حال آهي، جنهن جي ڪيترائي ڀيرا اختيارين کي درخواستون ڏنيون ويون آهن، افسوس آهي جو ڪوبه نوٽيس وٺڻ لاءِ تيار نه آهي

اسڪول جي عمارت زبون حال هئڻ ڪري ڇت جا چاپڙ ڪرڻ روز جو معمول بڻيل آهن، ڪنهن به وقت ڪجهه به ٿي سگهي ٿو، نوٽيس وٺي عمارت تعمير ڪرائي شاگردن جون حياتيون بچايون وڃن