کدڙي فقير رفيق جي پيشي دوارن عدالت ٻاهران ڇڪتاڻ

مَي 30, 2023

سانگهڙ(رپورٽر)سانگهڙ جي ميونسپل ڪميٽي تي کدڙي فقير جي مخصوص سيٺ اهميت اختيار ڪري وئي، رفيق  کي اڄ عدالت گهرايو ويو، ڌرين ۾ ڇڪتاڻ سبب رفيق نه آيو

کدڙي فقير جي مخصوص سيٽ تي پ پ اميدوار کدڙي فقير رفيق عرف ببلي جو فارم بحال ٿيڻ خلاف جي ڊي اي جي درخواست تي سانگهڙ جي سيشن ڪورٽ ۾ ٻڌڻي ٿي رهي آهي

درخواست ۾ موقف اختيار ڪيو ويو آهي ته کدڙي جي مخصوص سيٽ منتخب اميدوار رفيق ٽرانس جينڊر نه آهي ان کي اولاد به آهي ۽ دماغي توازن به درست نه اٿس ۽ گونگو ٻوڙو آهي  جنهن تي عدالت پ پ جي کدڙي فقير اميدوار کي عدالت ۾ پيش ٿيڻ جو حڪم ڏنو

هي به پڙهندا

کدڙو فقير رفيق عدالت ۾ پيش نه ٿيو جنهن تي عدالت پاران ڪاوڙ جو اظهار  ڪيو ويو  ۽ کيس هڪ وڳي تائين پيش ٿيڻ جو حڪم ڏنو

رابطو ڪرڻ تي پ پ جي وڪيل شير علي بهڻ ٻڌايو ته پ پ اميدوار کدڙي فقير رفيق کي جي ڊي اي پاران موتمار ڌمڪيون ملي رهيون آهن هن جي جان کي خطرو آهي

ٻئي پاسي ڪنهن اڻوڻندڙ واقعي کي منهن ڏيڻ لا عدالت جي احاطي ۾ سيڪورٽي جا انتظام انتهائي سخت ڪيا ويا آهن وڏي انگ ۾ پوليس  پڻ مقرر  ڪئي وئي آهي

ٻنهي پارٽين جا ڪارڪن به وڏي انگ ۾ عدالت ٻاهران پهچي ويا آهن جنهن سبب ڪنهن اڻ وڻندڙ واقعي ٿيڻ جو به خدشو طاهر ڪيو پيو وڃي

Leave A Comment