“کنڀيل نوجوان آزاد ڪرايو” خيرپور ۾ ايس پي آفيس آڏو ڌرڻو

خيرپور (رپورٽر) خيرپور ۾ شاھ عبداللطيف ٿاڻي جي حد سونو ڳوٺ جي رهواسي ڌاريجا برادري جي ماڻهن  ايس ايس پي آفيس آڏو ڌرڻو هڻي سخت احتجاج ڪيو ويو. احتجاجي مظاهري جي اڳواڻي افضل سوڊل، مسمات شير بانو، مسمات زبيده ۽ مسمات زليخا ڌاريجان ڪئي. احتجاج ڪندڙن جو چوڻ هو ته سندن برادري جي ڪجهه ماڻهن پوليس سان گڏجي گهرن تي حملو ڪيو، جنهن سبب عورتون ۽ ٻارڙا زخمي ٿي پيا جڏهن ته پوليس نوجوان فياض ڌاريجو کي کنڀي گم ڪري ڇڏيو آهي. هنن الزام هنيو ته پوليس اسان جي مخالف ڌر سان گڏجي حملو ڪيو آهي. احتجاج ڪندڙن مطالبو ڪيو ته اسان مٿان حملو ڪندڙ جوابدارن کي گرفتار ڪري اسان سان انصاف ڪيو وڃي.