کيئل داس کي آنا ۽ ٽماٽا هڻڻ واري ڪيس مان 4 قومپرست اڳواڻ بري

ٺٽو (رپورٽر) ٺٽي جي عدالت وفاقي مملڪتي وزير کيئلداس ڪوھستاني جي رستا روڪ ڪري مٿس بيضن ۽ ٽماٽن سان حملي ڪرڻ واري ڪيس مان ايس ٽي پي جي اڳواڻن کي بري ڪري ڇڏيو. ڪجھ مھينا اڳ ٺٽي جي دوري دوري ٺٽي شھر مان گذرڻ وقت سنڌو درياءَ مٿان ڪئنالن جي حمايتي ھجڻ جو الزام ھڻي وفاقي مملڪتي وزير کيئلداس ڪوھستاني جي رستي روڪ ڪري سندس بيضن ۽ ٽماٽن سان استقبال ڪرڻ واري ڪيس جي ٺٽي جي سيڪنڊ سول ڪورٽ ۾ ٻڌڻي ٿي گذري ، ٻڌڻي دوران ڪيس جي پيروي ڪندڙ وڪيلن جي پئنل ڊسترڪٽ بار ائسوسيئيشن ٺٽو جي جنرل سيڪريٽري صدام حسين عباسي ، وڪيل ھوش محمد عباسي ، وڪيل نور احمد سومرو ۽ وڪيل صنم سوھو جي دليل ٻڌڻ بعد عدالت ڪيس ۾ نامزد ايس ٽي پي جي ٺٽي جي ضلعي صدر سيد جلال شاهه ، ڪامريڊ حڪيم بروھي ، شاگرد اڳواڻ حيدر شورو ۽ جاويد جانوري تي ڏوهه ثابت نه ٿيڻ تي کين ڪيس مان بري ڪري ڇڏيو.