کيرٿر نيشنل پارڪ مان بجري ڪڍڻ تي اسٽي ۾ واڌ

 ڪراچي (اسٽاف رپورٽر) سنڌ هاءِ ڪورٽ جي آئيني بينچ کيرٿر نيشنل پارڪ مان ريتي ۽ بجري ڪڍڻ خلاف اسٽي آرڊر ۾ واڌ ڪري ڇڏي، عدالتي حڪمن باوجود حڪومتي ادارن طرفان جواب جمع نه ڪرايو ويو، جنهن تي عدالت پاران ڪاوڙ جو اظهار ڪيو ويو ، جسٽس عدنان چوڌري پڇاڻو ڪندي چيوته جهنگلي جيوت کاتي تحريري جواب جمع ڇو ناهي ڪرايو؟ انهي کاتي جو سيڪريٽري ڪير آهي؟ عدالت جهنگلي جيوت کاتي جي سيڪريٽري کان جواب طلب ڪري ورتو، عدالت پاران آثار قديمه کاتي کان به رپورٽ طلب ڪئي وئي، وڪيل عبيره اشفاق چيو ته لاڳاپيل کاتا عدالت ۾ جواب جمع نه ڪرائي رهيا آهن، درخواستگذار حفيظ بلوچ چيو ته کيرٿر نيشنل پارڪ ۾ 114 مختلف قسمن جا جانور، پکي، مڇي ۽ ٻيا موجود آهن، کيرٿر نيشنل پارڪ جو ڪجهه حصو ريتي ۽ بجري ڪڍڻ لاءِ ڪمرشلائيز ڪيو پيو وڃي، جنهن ڪري جهنگلي جيوت کي خطرو آهي، درخواستگذار وڌيڪ چيو ته خدشو آهي ته ڪمرشل سرگرميون تاريخي ماڳن ۽ قبرستانن کي نقصان پهچائينديون.