کٽ چوري تان پيرسن تي تشدد: ڀوتار معافي لاءِ ميڙ وٺي پهچي ويو: پيرسن روئي ڏنو

دادو(رپورٽ: فتاح شيخ) ٿرڙي جادو شهيد ڀرسان ڳوٺ رتو سولنگي ۾ 75 سالن جي پيرسن غلام نبي سولنگي تي تشدد بابت ٽائيم نيوز تي هلڻ کانپوءِ وڏيرو مجاهد شاهي ميڙ وٺي پيرسن وٽ پهچي ويو

وڏيرو مجاهد شاهي ، لياقت چانڊيو ، سيٺ الھ بخش شاهي ۽ ٻين چڱن مڙسن جي ميڙ وٺي معافي لاء پيرسن غلام نبي سولنگي وٽ پهتو

ان موقعي تي وڏيري مجاهد شاهي چيو ته مونکان وڏي غلطي ٿي آهي جو تو تي تشدد ڪيو معافي وٺڻ لاءِ پهتو آهيان مونکي معاف ڪر يو،  وڏيري مجاهد شاهي ۽ ٻين پيرسن کان معافي ورتي

پيرسن غلام نبي ميڙ آڏو روئي ڏنو، سندس چوڻ هو ته آئون لٺ تي به سورن سان ٻه ٽي وکون کڻان ٿو، کٽ ڪئين چوري ڪندس، پيري ۾ تشدد ڪري زخمي ڪيو ويو

ميڙ ۾ آيل سيٺ الھ بخش،  لياقت چانڊيو ۽ ٻين پيرسن کي يقين ڏياريو ته آئينده اهڙي ڪا به ڳالھه نه ٿيندي

 پيرسن غلام نبي ميڙ ٿي پهتلن کي مان ڏيندي وڏيري کي معاف ڪري ڇڏيو