کپرو:ونواهه ويٺل ڊاڪٽرياڻي جو گولي لڳل لاش هٿ، واقعو آپگهات قرار

کپرو (ن پ ا) کپرو ۾  ونواهه ۾ ويٺل ڊاڪٽرياڻي جو گولي لڳل لاش هٿ، واقعو آپگهات قرار، جاچ شروع

 ان ڏس ۾ کپرو جي ٻارڙن جي ڊاڪٽر خدابخش گل خاصخيلي ۽ ليڊي ڊاڪٽر مهرالنساءِ جي وڏي ڌيءُ  ڊاڪٽر ڪشف ندا جو گهر مان گولي لڳل لاش مليو، وارثن جي اطلاع تي پوليس پهچي لاش گهر جي ڪمري مان کڻائي اسپتال منتقل ڪيو

 ٻي طرف اسپتال جي ڊاڪٽرن موجب ته  ڪشف ندا کي کاٻي اک مٿان ڳولي لڳل هئي، ٻي طرف علائقي ۾ چوٻول آهن ته ڊاڪٽر ڪشف ندا  شادي لاءِ راضي نه هئي، کيس زبردستي ونواهه ۾ وهاريو ويو هو

12  جولاءِ تي سندس شادي رٿيل هئي، هوڏانهن جنهن هٿيار سان فائر ٿيل آھي اهو هٿيار پوليس حوالي ناهي ڪيو ويو،ٻي طرف پوليس موجب ته وارثن  جو چوڻ آھي ڊاڪٽرياڻي   خودڪشي ڪئي آهي،وڌيڪ جاچ ڪري رهيا آهيون

  ياد رهي ته واقعو 9 وڳي صبح ٿيو  هو پوليس کي 2 ڪلاڪ دير سان ٻڌايو ويو.هوڏانهن ڊاڪٽر ڪشف ندا لمس مان ايم بي بي ايس ڪئي ۽  هن ايف سي پي ايس به فائينل ڪيو، سندس  والده ڊاڪٽر مهرالنساءِ ڇڃڙو ۽ والد خدابجش  آفيسر هو 2 مهينا اڳ  رٽائرڊ ٿيو آھي