ڪارونجهر جي نيلامي نامنظور: حيدرآباد ۾ سڄاڻ ڌرين جو احتجاج

حيدرآباد(بيورو رپورٽ) ڪارونجهر جي امڪاني نيلامي خلاف حيدرآباد ۾ سنڌ سڀا جي سڏ تي پريس  ڪلب سامهون احتجاجي مظاهرو ڪيو ويو

سنڌي انعام عباسي، سنڌي امتياز ماڇي، يونس چانگ، اياز جنجهه، اصغر  علي ۽ ٻين جي اڳواڻي ۾ احتجاجي مظاهرو ڪري سخت نعري بازي ڪئي وئي

ان موقعي تي اڳواڻن چيو ته پ پ حڪومت اقتدار ۽ پئسي جي لالچ ۾ انڌي ٿي وئي آهي. زرداري مافيا اقتدار لاءِ هر شئي وڪرو ڪرڻ لاءِ تيار آهي. زرداري مافيا کي سنڌ ۽ سنڌي ماڻهن سان ڪا به دلچسپي ناهي  سندن هڪ ئي مفاد آهي ته اقتدار ۾ رهي کين پئسا ڪمائڻا آهن

 سندن چوڻ هو ته سنڌ جو محب وطن عوام اڄ به سڄاڳ آهي جيڪو سنڌ امڙ جي مالڪي لاءِ پنهنجو تن من ۽ ڌن قربان ڪرڻ ۾ ڪا به ڪثر نه ڇڏيندو،  سنڌي نوجوان سنڌ امڙ لاءِ پهريان به سر ڏنا آهن ۽ هاڻ به ڏيندا.

هنن چيو ته ڪارونجهر سنڌ جي سونهن آهي، سنڌ جا نوجوان سنڌ جي انچ انچ جي حفاظت ۽ مالڪي لاءِ ڪڏهن به پوئتي نه هٽندا

هنن حڪمران کي چتاءُ ڏنو ته هو پنهنجي ناپاڪ ارادن کان هٿ کڻي وڃن ٻي صورت ۾ سنڌ جا نوجوان انهن جي ڀرپور رستا روڪ ڪندا