ڪارڪردگي ۽ فٽنيس تي ڌيان ڏيو: ڀارتي بورڊ جي روهت شرما کي صلاح

ممبئي(اسپورٽس نيوز) ڀارتي ڪرڪيٽ بورڊ بي سي سي آءِ اڳوڻي ڪپتان روهت شرما کي چيو آهي ته هو پنهنجي مستقبل بابت قياس آرائين تي تبصرو ڪرڻ بدران پنهنجي فٽنيس ۽ ڪارڪردگي تي ڌيان ڏئي. روهت شرما هاڻي 30 نومبر کان ڏکڻ آفريڪا خلاف ٽن ميچن جي ون ڊي سيريز ۾ ايڪشن ۾ هوندو. بي سي سي آءِ ذريعن جو چوڻ آهي ته هندستاني بورڊ توقع ڪري ٿو ته روهت شرما پنهنجي قدرتي جارحاڻي راند کيڏندو، جيڪا آسٽريليا خلاف سيريز ۾ نظر نه آئي. ڀارتي ميڊيا بي سي سي آءِ جي ذريعن جي حوالي سان چيو آهي ته اهو سچ آهي ته آسٽريليا ۾ حالتون مشڪل هيون، پر اهو ڏٺو ويو ته روهت شرما خطرو کڻڻ کان لنوائي رهيو هو، روهت ۽ ڪوهلي کان اميد آهي ته هو پنهنجي بيٽنگ سان ٻين نوجوان بيٽسمينن لاءِ شيون آسان بڻائيندا. ڀارتي ميڊيا ۾ اهڙيون رپورٽون به گردش ڪري رهيون آهن ته ڏکڻ آفريڪا خلاف سيريز کان پوءِ، بي سي سي آءِ سليڪٽرز ۽ ٽيم مئنيجمينٽ سان صلاح ڪري روهت شرما ۽ ويرات ڪوهلي کي ٽيم ۾ شامل ڪرڻ جو فيصلو ڪندو.