ڪراچي مان اغوا ٿيل پ پ اڳواڻ اياز مهر گهر پهچي ويو

شڪارپور(رپورٽ: وحيد بروھي) هڪ مهينو چار ڏينهن اڳ ڪراچي مان لاپتا ٿيل پ پ اڳواڻ اياز احمد مھر آزاد ٿي پنهنجي ڪراچي واري گهر پهچي ويو هن پنهنجي خيريت سان آزادي واري وڊيو جاري ڪري علائقي واسين جا ٿورا مڃيا آهن هن جي آزاد ٿيڻ جي اطلاع تي سندس گهر ڀاتين ۽ همدردن ۾ خوشي واري لهر ڇانئجي وئي پ پ ڪائونسلر حاجي محمد علي مهر جي اڳواڻي ۾ سوين شهرين خوشي مان ريلي ڪڍي پنج گلي چوڪ چڪ وٽ گڏ ٿي رقص ڪيو ۽ هڪ ٻئي کي مبارڪون ڏنيون ويون  ٻئي طرف انتهائي اعتبار جوڳن ذريعن مان معلوم ٿيو ته ته پ پ اڳواڻ اياز احمد مھر جي آزادي بعد پ پ ايم اين اي سردار محمد بخش خان مھر وزير اعليٰ سيد مراد علي شاهه ملاقات ڪري ساڻس مختلف مامرن تي ڳالهيون ڪيون ۽ پ پ قيادت جي خاموشي اختيار ڪرڻ بابت پڻ وضاحت ڪئي وئي پ پ ايم اين اي سردار محمد بخش خان مھر ۽ پ پ اڳواڻ اياز احمد مھر جي اسلام آباد ۾ پ پ جي ڪو چيئرمين آصف علي زرداري سان اڄ يا سڀاڻي ملاقات جو امڪان آهي.