ڪراچي مان شادي تي ايندڙ خاندان ڪنڌڪوٽ ويجهو گم: گاڏي هٿ

ڪنڌڪوٽ(رپورٽ: لياقت کوسو) ڪراچي مان شادي تي ايندڙ خاندان ڪنڌڪوٽ ويجهو پراسرار نموني گم ٿي ويو آهي جڏهن ته گاڏي لاوارث حالت ۾ هٿ آئي آهي

ڪراچي گلشن حديد مان آيل جي ايل آءِ اڇي ڪلر جي ڪار نمبر 237 بي پي ٽي 2019 ماڊل ڪنڌڪوٽ ۾ پئٽرول پمپ وٽ لاوارث حالت ۾ هٿ آئي آهي

پمپ مالڪن ۽ شهرين لاوارث حالت ۾ بيٺل ڪار ڏسي پوليس کي اطلاع ڏنو، بي سيڪشن پوليس پهچي ڪار تحويل ۾ وٺي ڇڏيو

لاوارث حالت ۾ بيٺل ڪار مان موبائيل فون،ليڊيز سينڊل،پرس،معصوم ٻارڙن جا ڪپڙا ۽ ٻيون شيون هٿ آيون آهن جڏهن ته گاڏي  ڊرائيور اشرف خاصخيلي طور سڃاڻپ ٿي

ٻئي طرف گاڏي ڊرائيور اشرف خاصخيلي جي والد انور خاصخيلي چيو آهي ته منهنجي پٽ کي ڪراچي مان هڪ خاندان ڪرائي تي ڪنڌڪوٽ شادي جو چئي وٺي آيو هو

سندس چوڻ هو ته گاڏي سيالن جي آهي منهنجو پٽ گاڏي تي ڊرائيونگ ڪندو آهي،  پٽ ڪنڌڪوٽ سواري کڻي اچي رهيو هو