ڪراچي ميٽرڪ بورڊ جي نااهلي: بائلاجي جو پيپر آئوٽ  

ڪراچي(اسٽاف رپورٽر) ڪراچي ميٽرڪ بورڊ انتظاميا جي نااهلي، ڏهين ڪلاس جي سالياني امتحان جو پيپر وقت کان 30 منٽ اڳ آئوٽ ٿي ويو. ان حوالي سان مليل ڄاڻ موجب  ڪراچي ۾ ميٽرڪ بورڊ جي انتظامن هيٺ هلندڙ نائين ۽ ڏهين ڪلاسن جي امتحانن ۾ شفافيت بابت بورڊ اختيارين پاران ڪيل سموريون دعوائون وائکيون ٿي ويون آهن. ڪالهه ڏهين ڪلاس جو حياتيات ( بائلاجي) وارو پيپر 30 منٽ اڳ آئوٽ ٿي ويو، سوالنامو آئوٽ ٿيڻ کانپوءِ واٽس ايپ گروپن تي به وائرل ٿي ويو. واضح رهي ته انهي کان اڳ مارننگ شفٽ ۾ ٿيل ڪمپيوٽر اسٽيڊيز جو سوالنامو پڻ آئوٽ ٿي ويو هو.