ڪراچي:7 ڪروڙن جي موبائل فونن سان ڀريل گاڏي ڦر: واپارين جا مٿي تي هٿ

ڪراچي(رپورٽ: حبيب جمالي) ڪراچي ۾ 7 ڪروڙن جي ماليت وارن موبائل فونن سان ڀريل گاڏي ڦر، واپارين جا مٿي تي هٿ اچي ويا، پوليس موجب صدر جي موبائل مارڪيٽ مان ڪوريئر ڪمپني جي وين موبائل فون کڻي وڃي رهي هئي ته فيروز آباد وٽ رڪشا ۽ سوزوڪي ۾ سوار جوابدارن وين کي روڪيو، اهي وين کي ڊرائيور سميت ڪاهي ويا. پوليس موجب منو ڪلاڪ بعد جوابدارن ڊرائيور کي وين مان لاٿو، ٽريڪر جي مدد سان ڳولا ڪرڻ تي وين ٽيپو سلطان واري علائقي مان ملي، جيڪا خالي هئي. ٻئي طرف ايس پي علينا راڄپر موجب واقعي جو ڪيس داخل ڪيو ويو آهي، ڪيس ۾ موبائيل فونن جي ماليت نه لکرائي وئي آهي، رڳو زباني ٻڌايو ويو ته هڪ کان 7 ڪروڙ جا موبائل فون هئا، واقعي جا سي سي ٽي وي فوٽيج هٿ ڪيا پيا وڃن. ٻئي طرف واپارين آءِ جي سنڌ کان مطالبو ڪيو ته واردات ۾ ملوث جوابدارن کي گرفتار ڪري موبائل فون واپس ڪرايا وڃن