ڪرمپور جو مغوي بازياب نه ٿيو: وارثن ڌرڻو هڻي روڊ بلاڪ ڪري ڇڏيو

ڪرمپور(رپورٽر)ڪرمپور ڀرسان ٻه مهينا اڳ اغوا ٿيل عبدالرحمان جعفري بازياب نه ٿي سگهيو ، مغوي جي وارثن انڊس هاء وي تي ڌرڻو هڻي روڊ بلاڪ ڪري ڇڏيو ٽريفڪ معطل ٿي وئي

جعفري برادري جي ماڻهن بگن خان لاڙو وٽ ٽائر ساڙي روڊ بلاڪ ڪري ڇڏيو مسافر سخت پريشان، ڌرڻي سبب ڪنڌڪوٽ شڪارپور انڊس هاءِ وي جي ٻنهي پاسن کان گاڏين جون قطارون لڳي ويون ، مغوي جي وارثن جو چوڻ آهي ته ٻه مهينا گذري وڃڻ باوجود پوليس مغوي جي بازيابي لاءِ ڪا به ڪارروائي ناهي ڪئي

 ڌاڙيل ڏينهن ڏٺي جو ٿاڻي کان ٿوري فاصلي تان نوجوان کي اغوا ڪري ويا  پوليس ڏوهارين آڏو بيوس بڻيل آهي

مظاهرين آءِ جي سنڌ ۽ ڊي آءِ جي لاڙڪاڻو کان مطالبو ڪيو ته مغوي عبدالرحمان جعفري کي بازياب ڪرائي سندن پريشاني ختم ڪئي وڃي