ڪرمپور ويجهو ڌاڙيل هڪ وڌيڪ ڳوٺاڻو اغوا ڪري ويا

ڪرمپور(رپورٽر) ڪرمپور ويجهو ڌاڙيل هڪ وڌيڪ ڳوٺاڻو اغوا ڪري ويا، گهرن ۾ ماتم مچي ويو

تفصيل موجب ناپرڪوٽ ٿاڻي جي حد مان ڪيڊٽ ڪاليج ڀرسان رهندڙ پورهيت جانب چاچڙ کي هٿياربند اغوا ڪري ويا

پورهيت جي اغوا جي اطلاع بعد سندس گهر ۾ ڪهرام مچي ويو آهي، وارثن جو چوڻ آهي ته جانب چاچڙ ڳڙھي تيغو واري علائقي ۾ ڪاٺيون ميڙڻ ويو جتان هٿياربند اغوا ڪري کڻي ويا آهن

هنن مطالبو ڪيو ته اسان جي نوجوان کي فوري طور بازياب ڪرايو وڃي ، وڏو وزير مراد علي شاهه، آءِ جي سنڌ ۽ ٻيون اختياريون نوٽيس وٺي پوليس کي بازيابي لاءِ هدايتون جاري ڪن