ڪشمور: مغوين جي بازيابي لاءِ ڪچي ۾ ڏوهارين خلاف آپريشن

غوثپور (رپورٽر) ڪشمور ضلعي جي ڪچي ۾ ڏوهارين خلاف ٻيهر آپريشن شروع، فائرنگ جي ڏي وٺ سبب علائقي واسي گهرن تائين محدود ٿي ويا

ايس ايس پي ڪشمور جي حڪم موجب ڪشمور ضلعي جي مختلف ٿاڻن جي پوليس اي پي سي چين ۽ بڪتر بند گاڏيون ساڻ دراني مهر ڪچي ۾ آپريشن شروع ڪري ڏنو آهي

دراني مهر ٿاڻي جي حد جي ڪچي واري علائقي ۾ مغوين جي بازيابي لاءِ سبزوئي ۽ ڀيو گينگ خلاف آپريشن شروع ڪيو ويو آھي

آپريشن دوران پوليس ۽ ڏوهارين وچم جديد هٿيارن جو استعمال ڪيو پيو وڃي، پوليس ۽ ڏوهارين وچ ۾ اينٽي ايئر ڪرافٽ گن توڙي راڪيٽ لانچرن جو پڻ استعمال ڪيو ويو آھي

جڏھن ته فائرنگ سبب علائقو جنگ جو ميدان بڻجي ويو آهي فائرنگ سبب آسپاس جا رهواسي گهرن تائين محدود ٿي ويا آهن

 فائرنگ سبب هن وقت تائين جاني نقصان جا ڪي به اطلاع ناهن ملي سگهيا، ٻئي پاسي رابطو ڪرڻ تي ايس ايس پي ڪشمور جو چوڻ آهي ته روپوش جوابدارن جي گرفتاري ۽ مغوين جي بازيابي تائين آپريشن جاري رهندو