ڪشمور پوليس پاران نينگر ۽ پورهيت نوجوان کي بازياب ڪرائڻ جي دعويٰ

تنگواڻي (ن پ ا) تنگواڻي ٿاڻي جي حد ٺل_ڪنڌڪوٽ انڊس هاءِ وي تان اغوا ٿي ويل پورهيت غلام الرسول بکراڻي ۽ نينگر منصور پٺاڻ کي پوليس ۽ رينجرز گڏيل آپريشن ۾ بازياب ڪرائڻ جي دعوى ڪئي آهي

 ايس ايس پي ڪشمور بشير بروهي دعويٰ ڪندي چيو ته جمال جي ڪچي ۾ پوليس ۽ رينجرز جي گڏيل آپريشن ذريعي پورهيت ۽ نينگر مغوين جي بازيابي عمل ۾ آئي

هوڏانهن ذريعن وٽان معلوم ٿيو ته راڄوڻي ذريعي مغوي بازياب ٿيا آهن، پوليس ۽ رينجرز آپريشن ۾ بازيابي واري ڪاروائي دوران ڪنهن به ڏوهاري جي گرفتاري يا عملي طور ڪاروائي ظاهر نه ٿي سگهي