| ڪنڊيارَي ۾ ڪتو مارڻ جي ڪيسن ۾ جوابدار کي 5 سال ٽيپ |
ڪنڊيارو(ن پ ا) ڪنڊيارَي ۾ ڪتو مارڻ سميت مختلف ڪيسن ۾ ٻن جوابدارن کي ٽيپ جي سزا ٻڌائي ڇڏي. ڪنڊيارو جي ايڊيشل سيشن علم الدين جانوري ڪيس نمبر 352/2021 جو فيصلو ٻڌائيندي ڪرائيم نمبر 05/2021، ٿاڻو بکرِي ۾ داخل ڪيس ۾ نامزد ٻن جوابدارن کي مختلف سنگين ڏوهن ۾ سزائون ٻڌائي ڇڏيون. فيصلي موجب جوابدار نياز حسين ڪلهوڙو کي دفعه 452 پاڪستان پينل ڪوڊ تحت ڪتو مارڻ پنج سال قيدِ با مشقت ۽ 20 هزار رپيا ڏنڊ جي سزا ٻڌائي وئي ڏنڊ ادا نه ڪرڻ جي صورت ۾ جوابدار وڌيڪ ٻن مهينن جي سزائي قيد ڀوڳيندو ساڳئي ڪيس ۾ ٻئي جوابدار محرم ڪلهوڙو کي دفعه 337-F(v)(i) پاڪستان پينل ڪوڊ تحت شهري نعيم الله کي سخت زخمي ڪرڻ جو ڏوهه ثابت ٿيڻ تي پنج سال قيدِ با مشقت ۽ 20 هزار رپيا ڏنڊ جي سزا ڏني آھي ڏنڊ نه ڏيڻ جي صورت ۾ وڌيڪ قيد جي سزا پڻ ڀوڳڻي پوندي. رڪارڊ موجب جوابدار مقدمي دوران جيل ۾ نه رهيا هئا، تنهنڪري کين قلم 382-B ضابطه فوجداري جو فائدو نه ڏنو ويو عدالت سپرنٽنڊنٽ ڊسٽرڪٽ جيل نوشهروفيروز کي حڪم جاري ڪيو آهي ته جوابدارن کي تحويل ۾ وٺي عدالتي فيصلي تي عملدرآمد ڪرايو وڃي.