ڪنڌڪوٽ(رپورٽر) ڪنڌڪوٽ شهر ۾ ٻارڙا اغوا ڪرڻ جي الزام ۾ شهرين درجن پينو عورتون سوگهيون ڪري پوليس حوالي ڪري ڇڏيون
ان سلسلي ۾ ڪنڌڪوٽ جي مڪي مسجد وٽ درجن کان وڌيڪ پينو عورتن شهرين ٻارن کي اغوا ڪرڻ جي الزام ۾ پڪڙي پوليس حوالي ڪيون ويون
شهرين جو چوڻ هو ته پينو فقيرياڻيون گهرن ٻاهران راند ڪندڙ ٻارڙن کي شيءِ ڏئي انهن کي پاڻ سان گڏ هلڻ جو چيو ۽ انهن وٽان ٻورٽا پڻ هٿ ڪيا ويا ۽ پوليس کي اطلاع ڏنو ويو
حد جي پوليس جاءِ واردات تي پهچي پينو فقيرياڻين کي حراست ۾ وٺي ڇڏيو ۽ ٿاڻي منتقل ڪيو
ان سلسلي ۾ پوليس جو چوڻ هو ته اسان کي اطلاع مليا آهن ته سي سيڪشن ٿاڻي جي حد ۽ اي سيڪشن ٿاڻي جي حد ۾ شڪي عورتون پينو فقير بڻجي معصوم ٻارڙن کي اغوا ڪرڻ جي سهولتڪاري ڪن ٿيون
پوليس جو چوڻ هو ته درجن کان وڌيڪ شڪي عورتن کي حراست ۾ ورتو آهي جڏهن ته ڪجهه شڪي عورتون فرار ٿي ويون جن جي ڳولا جاري آهي، جڏهن ته واقعي جو ڪيس داخل نه ٿي سگهيو
هوڏانهن الزام هيٺ آيل فقيرياڻين جو چوڻ هو ته گهٽيءَ ۾ معصوم ٻار اسان کي ڏسي ڊڄي روئڻ لڳو جنهن تان شهرين اسان کي اغوا ڪندڙ سمجهي پوليس حوالي ڪيو، اسان غريب آهيون پني پيٽ گذر ڪنديون آهيون
