ڪنڌڪوٽ ۾ 2 عورتون ۽ ٻارڙي چوري الزام ۾ سوگهيون، ڊاڪٽري سامان هٿ

ڪنڌڪوٽ (رپورٽر) ڪنڌڪوٽ ۾ شهري بابو گولو جي گهر مان 2 عورتن ۽ هڪ ٻارڙي کي گهر ڌڻي چوري ڪندي پڪڙي ورتو

 سوگهو ڪيل عورتن وٽان ڊاڪٽرن پاران آپريشن ۾ استعمال ڪرڻ وارا اوزار هٿ ڪيا ويا آهن، شهرين موجب سوگهو ڪيل عورتن وٽان انجيڪشنون ۽ پائوڊر به مليو آهي، ان سلسلي ۾ گهر ڌڻي بابو گولو جو چوڻ هو ته

 2 عورتون ۽ هڪ ٻارڙي گهر اندر داخل ٿيا، جن کي چوري ڪندي پڪڙيو، اطلاع تي پوليس پهتي جن عورتن کي تحويل ۾ وٺي پڇا ڳاڇا لاءِ ٿاڻي تي منتقل ڪيو آهي

 شهرين جو چوڻ هو ته عورتون معصوم ٻارڙن کي اغوا ڪرڻ لاءِ آيون، جن وٽان اوزار هٿ ڪيا ويا