ڪنگز مين ڪپتان مارنوس لبوشين جو حيدرآباد واسين لاءِ هو جمالو“ جي نعري سان انوکو پيغام جاري

حيدرآباد (اسپورٽس نيوز) حيدرآباد ڪنگزمين جي ڪپتان مارنوس لبوشين چيو آهي ته هو پي ايس ايل جي يارهين ايڊيشن۾ حيدرآباد ٽيم جي قيادت ڪرڻ لاءِ تمام گهڻو پرجوش آهي. سوشل ميڊيا تي حيدرآباد واسين لاءِ جاري ڪيل پنهنجي هڪ بيان ۾ مارنوس لبوشين حيدرآباد ٽيم جي قيادت ڪرڻ تي خوشي جو اظهار ڪيو. هن چيو ته پي ايس ايل سيزن 11 ۾ حيدرآباد ٽيم جي قيادت ڪرڻ لاءِ هو پرجوش آهي ۽ ٽيم سان شامل ٿيڻ جي اوسيئڙي ۾ آهي. مارنوس لبوشين وڌيڪ چيو ته حيدرآباد جا مداح پنهنجي  ٽيم کي ڀرپور سپورٽ ڪن ڇاڪاڻ ته اها پهريون ڀيرو پي ايس ايل ۾ شامل ٿي رهي آهي ۽ هن ساڳئي وقت ”ٿي وڃي هو جمالو“ جو نعرو پڻ لڳايو.