ڪيس تان هٿ کڻو: شهدادپور ۾ جوابدارن جو عورت مٿان تشدد

شھدادپور (رپورٽر) ٽنڊوآدم جي ڳوٺ مير حسن مري واسڻ مسمات ڪوثر ڀٽي مڙس راشد سان گڏجي شھدادپور پريس ڪلب ۾ احتجاجي مظاهرو ڪيو

مسمات ڪوثر ڀٽي دانهيو هڪ سال اڳ ڀاڄائي بلقيس کي مڙس ۽ سندس گهر ڀاتين تيزاب هاري قتل ڪيو، جوابدارن جي ويجهن عزيزن جوابدار غلام علي، نواز عرف دودو ۽ نظير ڀٽي گذريل ڏينهن گهر ۾ داخل ٿي وحشياڻو تشدد جو نشانو بڻايو

ڪوثر ڀٽي چيو ته جوبدارن ڀاڄائي جي قتل ڪيس تان هٿ کڻڻ جون ڌمڪيون ڏنيون، جوابدارن مان زندگيءَ کي خطرو آهي، ڀاڄائي وانگر مون کي به ماري ڇڏيندا

متاثره عورت دانهيو ته ٽنڊوآدم بي سيڪشن پوليس کي شڪايت باوجود ڪوبه تدارڪ ناهي ٿيو، جوابدار ڌمڪيون ڏئي رهيا آهن، اسان کي تحفظ ۽ انصاف ڏنو وڃي