ڪي پي وارئو! توهان تبديلي جي ڳولا ۾ پُراڻو پاڪستان به برباد ڪري ڇڏيو، توهان کي چڪر ڏنو ويو، پر توهان مون کي چڪر نه ڏجو: نواز شريف

مينگورا(پنهنجي ڊيسڪ) مسلم ليگ ن جي قائد نواز شريف چيو آهي ته ڪي پي وارئو! توهان تبديلي جي ڳولا ۾ پُراڻو پاڪستان به برباد ڪري ڇڏيو

مينگوره ۾ چونڊ جلسي کي خطاب ڪندي اڳوڻي وزيراعظم چيو ته توهان اُن ماڻهو جي ڄار ۾ ڪيئن ڦاسي پيا، ڇو کيس موقعو ڏنو جو هُو ملڪ کي تباهه ڪري ويو، توهان کي سوچڻ گهرجي ها

سندس چوڻ هو ته هتي هزارين ماڻهن جو ميڙ آهي، ٻڌايو پنجاهه لک گهرن مان ڪنهن کي گهر مليو؟ توهان اهڙي ماڻهو جي پويان لڳي ويا، جنهن پاڪستان جو هي حال ڪري ڇڏيو

نواز شريف چيو ته توهان کي چڪر ڏنو ويو، پر توهان مون کي چڪر نه ڏجو، هنن جا 300 ڊئم ڪيڏانهن ويا، هڪ ڊئم به ڏيکاريو، مون لوڊشيڊنگ ختم ڪئي، پوءِ به توهان هُنن جي پويان لڳي ويا