ڪچي تيل جي فراهمي متاثر ٿيڻ سبب اٽڪ آئل ريفائنري جو مک يونٽ بند: پيٽرول بحران جو خدشو

اسلام آباد (بيورو رپورٽ) ملڪ ۾ پيٽروليم بحران جو خدشو وڌي ويو، خام تيل جي فراهمي متاثر ٿيڻ سبب اٽڪ آئل ريفائنري کي سخت شٽڊائون کي منهن ڏنو. ريفائنري طرفان جاري ڪيل بيان موجب گذريل چار ڏينهن کان آئل ٽريفڪ تي پابندين سبب صورتحال وڌيڪ سنگين ٿي وئي آهي۔ حالتن جي باوجود اوگرا ۽ پيٽروليم ڊويزن طرفان ڪو به رليف نه ڏنو ويو آهي، جي ايڇ ڪيو ۽ سول انتظاميا سان به رابطو ڪيو ويو آهي پر راولپنڊي ۽ اٽڪ ۾ پابنديون برقرار آهن۔ گذريل رات مرڪزي يونٽ بند ڪيو ويو آهي، ۽ جيڪڏهن پابنديون فوري طور ختم نه ڪيون ويون ته ريفائنري مڪمل طور بند ٿي سگهي ٿي، جنهن سان عوام، هٿياربند فوجن ۽ پاور پلانٽن کي فراهمي سخت متاثر ٿيندي۔ اسلام آباد ۽ پشاور ايئرپورٽن لاءِ جيٽ فيول جي فراهمي به متاثر ٿيڻ جو خدشو ظاهر ڪيو ويو آهي.