گرينڊ چارٽر تحت ايندڙ حڪومت به اتحادي هوندي: پ پ ۽ نواز ليگ ۾ اهم نقطن تي اتفاق

ڪراچي (پنهنجي ڊيسڪ) ميثاق جمهوريت کانپوءِ گرينڊ چارٽر تحت ميثاق معيشت تي به اتفاق ٿيڻ جو امڪان، ذريعن موجب نواز ليگ ۽ پيپلزپارٽي ميثاق معيشت جي اڪثر نقطن تي اتفاق ڪري ورتو آهي

ذريعن موجب نواز شريف، آصف علي زرداري، مريم نواز، بلاول ڀٽو زرداري جي دبئي ۾ ملاقات ٿي، ملاقات ۾ ميثاق معيشت تي ڳالهيون ٿيون

هي به پڙهندا

ذريعن موجب گرينڊ چارٽر تحت ايندڙ چونڊن کانپوءِ به اتحادي حڪومت هوندي، پيپلزپارٽي اڳواڻن چيو ته معاشي بهتري لاءِ هڪٻئي جي سياسي حمايت جي ضرورت هوندي

ذريعن موجب چونڊن بابت پيپلزپارٽي جو موقف تسليم ڪيو ويو آهي ته اليڪشن جو معاملو اليڪشن ڪميشن ۽ نگران حڪومت تي ڇڏيو وڃي

فضل الرحمان، پي ڊي ايم ۽ ٻين اتحادين پارٽين کي به ميثاق معيشت جو حصو بڻايو ويندو، نگران سيٽ اپ تي ٻين اتحادين سان مشاورت بعد حتمي فيصلو ڪيو ويندو، ملاقات ۾ چونڊ اتحاد تي حتمي فيصلو نه ٿي سگهيو