گم ٿيل ٻيڙي جي ڳولا ۾ اڳڀرائي: ٽائيٽينڪ ٻڏڻ واري هنڌ موجودگي جا اشارا: سمنڊ جي اونهائي ۾ آواز جو پتو لڳايو ويو

نيويارڪ/ لنڊن(پنهنجي ڊيسڪ) گم ٿيل ٻيڙي جي ڳولا ۾ اڳڀرائي ٿي آهي، ٽائيٽينڪ ٻڏڻ واري هنڌ موجودگي جا اشارا پڻ مليا آهن جڏهن ته سمنڊ جي اونهائي ۾ آواز جو پتو لڳايو ويو

پرڏيهي ميڊيا جي رپورٽ موجب ايٽلانٽڪ سمنڊ ۾ ٻڏي ويل تاريخي جهاز ٽائيٽينڪ جي ملبي کي ڏسڻ لاءِ ويل ٻيڙي جي گم ٿيڻ بعد ڪينيڊين جهاز سندس ڳولا ۾ وڏي اڳڀرائي حاصل ڪري ورتي آهي

Surface search underway for the OceanGate Titan Submersible. The five people stuck inside the Titanic submarine:

Paul-Henry Nargeolet, 73
Stockton Rush, 61
Hamish Harding, 58
Shahzada Dawood, 48
Sulaiman Dawood, 19 pic.twitter.com/hzwBbQf9jY

— quinn (@outtaminds) June 20, 2023

برطانوي اخبار دعويٰ ڪئي آهي ته گم ٿيل ٻيڙي جي ٽائيٽينڪ جهاز جي ٻڏڻ واري هنڌ موجودگي جا اشارا مليا آهن ڇاڪاڻ ته ڪينيدين جهاز ان هنڌ وٽان اونهي پاڻي ۾ آوازن کي رڪارڊ ڪري ورتو آهي

ڪينيڊين جهاز جي عملي ٻڌايو آهي ته هر 30 منٽن کانپوءِ ان هنڌ وٽان آواز ٻڌڻ ۾ اچي ٿو جنهن مان پتو لڳايو ويو آهي ته اهو آواز ان ٻيڙي جو آهي جيڪا تفريحي سفر تي ويل آهي

ٻئي طرف آمريڪي ڪوسٽ گارڊ جي اختيارين جو چوڻ آهي ته ٻيڙي جي ڳولا ڪنهن معجزي کان گهٽ ناهي ڇاڪاڻ ته ان کان اڳ ان هنڌ وٽان گم ٿي ويل هزارين ٻيڙين مان ڪنهن جو پتو نه پئجي سگهيو آهي

هي به پڙهندا

ماهرن موجب ٻيڙي دٻاءُ جو شڪار ٿي هن مهل تائين ڦاٽي چڪي هوندي تنهن هوندي ريسڪيو ٽيمون ان ۾ شامل مسافرن کي بچائڻ جي ڪوشش ۾ آهن

سندن چوڻ آهي ته ٻيڙي ۾ سوار مسافرن وٽ اڄ رات تائين جي آڪسيجن موجود آهي انڪري ڪوشش ڪئي پئي وڃي ته ڪنهن به طرح انهن تائين رسائي حاصل ڪئي وڃي