| گهوٽڪي ۾ پشاور واسي هڪ ڄڻو ڌاڙيل وٽ قيد، 2 ڪروڙ ڀنگ طلب |
گهوٽڪي (رپورٽر) پشاور واسي شخص گهوٽڪي جي ڪچي ۾ ڌاڙيلن وٽ قيد، ڌاڙيل پاران مغوي وارثن کان 2 ڪروڙ ڀنگ طلب، ڌاڙيل وڊيو ٺاهي وارثن ڏانهن اماڻي ڇڏي، خبر موجب پشاور جي ٻاڙا علائقي جو رهواسي يونس خان ولد محمد خان گذريل لڳ ڀڳ اڍائي مهينن کان گهوٽڪي جي ڪچي ۾ ڌاڙيلن جي قيد آهي، ڌاڙيلن پاران ٻن ڪروڙ رپين جو ڀنگ طلب ڪيو ويو آهي، ڌاڙيلن مغوي نوجوان کي کڏ ۾ زنجيرن سان ٻڌي وڊيو ٺاهي وارثن ڏانهن موڪلي آهي، وارثن موجب ڌاڙيلن نوڪري جي لالچ ڏئي يونس خان کي صادق آباد گهرايو، جتان پوءِ کيس اغوا ڪيو ويو، وارثن جو چوڻ آهي ته هو انتهائي غريب آهن ۽ ايتري وڏي ڀنگ جي رقم ادا ڪرڻ جي سگهه نٿا رکون، مغوي کي بازياب ڪرايو وڃي.