گوادر حق ڏيو تحريڪ جي سربراهه مولانا هدايت الرحمان جي ضمانت منظور: آزاد ڪرڻ جو حڪم

اسلام آباد(بيورو رپورٽ) سپريم ڪورٽ گوادر حق ڏيو تحريڪ جي سربراهه مولانا هدايت الرحمان جي ضمانت منظور ڪري ورتي، آزاد ڪرڻ جو حڪم، جسٽس سردار طارق مسعود جي سربراهي ۾ سپريم ڪورٽ جي 3 رڪني بينچ ضمانت واري درخواست تي ٻڌڻي هلائي، عدالت مولانا هدايت الرحمان جي 3 لک رپين مچلڪن عيوض ضمانت منظور ڪري ورتي،

جماعت اسلامي سان تعلق رکندڙ مولانا هدايت الرحمان نومبر 2021ع ۾ گوادر کي حق ڏيو تحريڪ هلائي ملڪ گير شهرت ماڻي، گوادر ۾ 32 ڏينهن تائين لاڳيتا ڌرڻا هڻڻ بعد بلوچستان سرڪار سندن مطالبا تسليم ڪرڻ جو اعلان ڪيو هو.