| ڳڙهي خيرو گرڊ اسٽيشن مان تارون چوري، ٽائيم نيوز ٽيم سان بدتميزي |
ڳڙهي خيرو (ن پ ا) ڳڙهي خيرو گرڊ اسٽيشن مان مبينا طور لکين رپين جي ماليت جون تارون چوري، هڪ جوابدار سوگهو ڪري پوليس حوالي ڪري ڇڏيو، تفصيل وٺڻ لاءِ ٿاڻي تي پھتل ٽائيم نيوز ٽيم سان ڊيوٽي انچارج جھانگير لھر طرفان بدتميزي ۽ ڪئميرا ڦرڻ جي ڪوشش ڪئي، واقعي جو ايس ايس پي جيڪب آباد نوٽيس وٺندي ڊي ايس پي ڳڙهي خيرو سڌير احمد ڀيو کي جاچ جو حڪم جاري ڪيو آهي، جاچ دوران جھانگير لھر کي ڏوهي قرار ڏنو ويو، جنھن بعد ايس ايس پي جيڪب آباد محمد ڪليم ملڪ ڊيوٽي انچارج جھانگير لھر کي معطل ڪري لائن ڪلوز ڪري ڇڏيو،جڏھن ته معاملو ميڊيا ۾ اچڻ بعد پوليس گرڊ اسٽيشن مان 66 ڪي وي جون تارون چوري ٿيڻ واري معاملي جي جاچ لاءِ جميل احمد ۽ گرڊ اسٽيشن جي چوڪيدار نظير لھر کي حراست ۾ وٺي جاچ شروع ڪري ڇڏي. ٻئي پاسي جميل احمد الزام هڻندي چيو ته گرڊ اسٽيشن جو انچارج نظير ھڪڙو پاڻ تارون چوري ڪري رھيو آھي پاڻ کي بچائڻ لاءِ مون کي ڦاسايو پيو وڃي.