ھمايون شريف ڀرسان معرفاڻي_ ڀيا تڪرار وري ڀڙڪي اٿيو: فائرنگ: نوجوان قتل
مارچ 26, 2025
ھمايون شريف(ن پ ا) همايون شريف ڀرسان ڀيا ۽ معرفاڻي برادري جي ٻن ڌرين ۾ هلندڙ پراڻي تڪرار تان هٿياربندن فائرنگ ڪري ڳوٺ لطيف ڀيو جي رهواسي 37 ورھين جي نوجوان عبدالحفيظ پٽ اصغر ڀيو کي قتل ڪري ڇڏيو، نوجوان جي قتل بعد ڌرين ۾ ڇڪتاڻ تيز ٿي وئي، هڪ ڪلاڪ تائين فائرنگ هلندي رهي، پوليس جو چوڻ هو ته معرفاڻي ڌر جي فائرنگ ۾ ڀيا ڌر جو نوجوان مارجي ويو آهي، مارجي ويل جو لاش اسپتال منتقل ڪيو آهي، پوليس جو چوڻ هو ته ھڪ مھينو اڳ ڀيا ڌر جي ماڻھن محمد يوسف معرفاڻي ۽ سندس جي معصوم نينگري کي گوليون ھڻي قتل ڪيو ھو، ان جي پلاند ۾ نوجوان کي ماريو ويو آهي.سندن وڌيڪ چوڻ هو ته الزام هيٺ آيل ڌر اڳوڻي وفاقي وزير عابد حسين ڀيو جا ھاري ٻڌايا وڃن ٿا.گرفتاري جي لاءِ ڪوششون ڪيون پيون وڃن.
