12 بالن ۾ ففٽي ۽ 32 بالن تي سينچري اڀيشڪ شرما وري ڇائنجي ويو

ممبئي (اسپورٽس نيوز) ڀارت جي جارحاڻي بيٽنگ ڪندڙ اوپنر اڀيشڪ شرما سيد مشتاق علي ٽرافي ۾ مخالف بالرن کي ڪٽڪو ڏيندي 12 بالن تي ففٽي ۽ 32 رنسن تي سينچري اسڪور ڪري ورتي. اڀيشڪ شرما هڪ ڀيرو ٻيهر بنگال جي خلاف پنهنجي جارحاڻي بيٽنگ سان سڀني کي متاثر ڪيو. اڀيشڪ شرما بنگال جي خلاف صرف 12 بالن تي 50 رنسون ٺاهيون، جيڪا مردن جي ٽي 20 ڪرڪيٽ ۾ هڪ ڀارتي بيٽسمين پاران گڏيل طور تي ٻي تيز ترين ففٽي آهي. 25 سالن جي اڀيشڪ شرما پنهنجي جارحاڻي بيٽنگ جاري رکي ۽ صرف 32 بالن تي پنهنجي اٺين ٽي 20 سينچري مڪمل ڪئي، جيڪا ٽي 20 ڪرڪيٽ جي تاريخ ۾ ڇهين تيز ترين سينچري آهي.  اڀيشڪ 52 بالن تي 148 رنسن جي اننگز کيڏي، جنهن ۾ 16 ڇڪا ۽ 8 چوڪا شامل هئا.

پنجاب 20 اوورن ۾ 5 وڪيٽن تي 310 جو جبل جهڙو اسڪور ٺاهيو، جيڪو سيد مشتاق علي ٽرافي جي تاريخ ۾ ٻيو وڏو اسڪور آهي. هدف جو تعاقب ڪندي، بنگال ٽيم 20 اوورن ۾ 9 وڪيٽن تي 198 رنسون ٺاهي سگهي.