27 هين آئيني ترميم نالي سنڌ ٽوڙڻ نه ڏينداسين: سنڌياڻي تحريڪ

بدين(رپورٽر) قومي عوامي تحريڪ جو مرڪزي جنرل سيڪريٽري مظھر راھوجو، سنڌياڻي تحريڪ جي مرڪزي صدر زينت سمون، شھربانو راھوجو بدين ضلعي مختلف شهرن ۽ ڳوٺن کورواھه، ڳوٺ وڪيو لاشاري، ڪڙيو گھنور، بدين، تلھار، ننڍو، لواري شريف، ڳوٺ مرحوم نور محمد پنهور، ٽنڊو باگو، ڳوٺ ماڪوڙو ڀيل ۽ ٻين علائقن جا دورا ڪيا دورو ڪيو. ان موقعي تي سنڌياڻي تحريڪ جي مرڪزي صدر زينت سمون خطاب ڪندي چيو ته نواز ليگ، پيپلز پارٽي ۽ وفاقي حڪومت کي اھڙو ڪو اختيار ناھي سنڌ ۾ نوان صوبا ٺاهڻ جو، 27 ھين آئيني ترميم جي نالي ۾ سنڌ کي ٽوڙڻ نه ڏينداسين سنڌ جون لکين سنڌياڻيون مزاحمت ڪنديون نواز ليگ، پيپلزپارٽي ۽ وفاقي حڪومت ھوش کان وٺن. مظھر راھوجو خطاب ڪندي چيو ته 27 ھين آئيني ترميم ذريعي سنڌي ماڻهن کي پنهنجي ڌرتي تان بي دخل ڪرڻ جو سنڌ دشمن منصوبو جوڙيو ويو آهي. ڪا به سنڌ دشمن ترميم ست ڪڙور سنڌي قبول نه ڪندا.